20.January 2021

Búnaður frá Naust Marine í ný flutningaskip Royal Arctic Line á Grænlandi

Skipin C-296 og C-297 eru 37,6 x 10m að stærð, hönnuð af Havyard í Noregi og í smíðum hjá Nodosa skipasmíðastöðinni á Spáni.

Skipin sem eru af gerðinni Havyard 971, munu sinna flutningi á matvælum og öðrum nauðsynjavörum til bæja og byggða við strendur Grænlands sem erfitt er að komast til nema sjóleiðina.

Skipin munu starfa á norðvestur Grænlandi, en mjög strangar kröfur eru gerðar til hönnunar skipanna, þar sem aðstæður á þessum slóðum eru erfiðar og skipin þurfa að sigla inn og út úr litlum grunnum höfnum sem eru þétt settnar af ísklösum.


Eftirtalinn búnaður frá Naust Marine var afhentur í bæði skipin:

- (1) Rafknúin  tvöföld ankeris- og fastsetningarvinda 
        fyrir 26mm K2 ankeriskeðju, ásamt tromlu fyrir140 metra af 26mm togi

- (1) Rafknúin tvöföld fastsetningarvinda, tromla fyrir 370m  af ankeriskapal, 
        ásamt tromlu  fyrir 140 metra af 26mm togi

- (1) Keðjustoppari fyrir 26 mm K2 keðju

- (1) Koppavinda

- Staðbundin og þráðlaus stjórnun (DNV vottuð)