Frystitogarinn Örfirisey RE-4 var smíðaður í Noregi árið 1988 og er 64.55m að lengd. Skipið hefur verið við veiðar á grálúðu, karfa, þorski, ýsu og ýmsum öðrum tegundum við Íslandsmið.

Örfirisey fékk þriðju vinduna afhenta fyrir 12 árum og hefur veitt með tveimur trollum síðan en ekki haft möguleikann á því hingað til að hafa þriðja trollið til taks á dekki þar sem aðeins fjórar grandaravindur voru um borð.

Nýi búnaðurinn, sem nú hefur verið afhentur, gerir skipinu kleift
að vera með þrjú troll klár á dekki í stað tveggja áður. 
- 2x Grandaravindur ásamt stjórnun bæði í brú og á dekki 
- 1x Pokavinda  
 
Viðey RE-50 hefur einnig fengið nýjan búnað frá Naust Marine en um er að ræða nýjar, stærri tromlur fyrir gilsavindur. Vindurnar rúma 3,2 m3 sem gerir það mögulegt að spóla neti á tromlurnar. Þær halda sama mótor og gírhlutfalli en aðeins tromlunum er skipt út. 
Viðey RE-50 var smíðaður í Tyrklandi árið 2017 og er aðallega við veiðar á karfa, ufsa og þorski. 

Nýju vindurnar eru smíðaðar og prófaðar hjá Naust Marine á Spáni og öll stjórnunin framleidd og prófuð hjá Naust Marine í Hafnarfirði. 
 
Naust Marine óskar Örfirisey og Viðey til hamingju með nýjan búnað.