Nýtt rannsóknaskip fyrir Hafrannsóknastofnun Íslands er nú í smíðum hjá ARMON skipasmíðastöðinni í Vigo á Spáni. 

Framleiðsla á búnaði frá Naust Marine sem fer um borð í rannsóknaskipið hefur gengið vel í sumar en nýlega lauk prófanaferli fyrir krana sem þegar hefur verið afhentur.  Kraninn vegur 2 tonn, útbúinn með vökvadrifinni vindu og mun sjá um að hífa ýmsan varning til og frá borði.

Annar búnaður er enn í framleiðslu og er gert ráð fyrir að Naust Marine ljúki framleiðsluferli á öllum búnaði í lok þessa árs.


Meðal búnaðar sem fer um borð í nýtt rannsóknarskip

• Togvindur
• Gilsa- og grandaravindur
• Rannsóknarvindur
• Netavindur
• Ankerisvindur ásamt öðrum hjálparvindum  
• Kranar, gálgar og blakkir ásamt stjórnbúnaði