ATW Togvindustjórnun

Naust Marine er leiðandi í framleiðslu á stjórnbúnaði fyrir vindukerfi

ATW Togvindustjórnun hefur verið í þróun síðan 1979 en fyrsta kerfið fór um borð í Ottó N. Þorláksson RE 203 sem þá var í eigu Bæjarútgerðar Reykjavíkur.

ATW togvindustjórnkerfið byggir á því að halda ávallt jöfnu átaki á báðum togvírum

• Kerfið kastar trollinu í fyrirfram ákveðna lengd
• Kerfið heldur jöfnu átaki í köstun, á togi og í hífingu
• Á togi heldur kerfið trollinu í hámarks opnun allan tímann

Kerfið er fáanlegt fyrir þrjár gerðir togskipa

Snurvoð
ATW kerfið nýtist við veiðar með snurvoð þar sem krafa er gerð um hraða í köstun.
Átak víra og víralengd eru mæld með snúningi og straumtöku mótors.  Slíkir mótorar eru sérstaklega valdir fyrir háhraða í köstun og hafa mikið tork á lágum snúningi.

Tvær aðskildar vindur
Vindurnar vinna saman á sama togkrafti.  Átakið á vírum og víralengd er reiknað út af ATW kerfinu. Togvindunum er stjórnað út frá álagi (straumnotkun) og snúningi mótors. Þessar mælingar eru svo notaðar til að halda jöfnu átaki á báðum vírum.  Tvær aðskildar vindur nýtast vel þegar veður er vont og mikið er um stefnubreytingar á togi.

Þegar togað er með tveimur trollum og þremur togvindum
Þegar togað er samtímis með tveimur trollum eða jafnvel þremur trollum þá vinnur kerfið eins og venjulega á stjórn- og bakborði og heldur jöfnu átaki á báðum vírum. Miðvindur geta unnið eftir átaki eða víralengd til að viðhalda völdum mismun á víralengd miðvinda og útvinda.  Í skjámynd getur stjórnandi stillt átaksmun og víramun á miðvindum, allt eftir þörfum hverju sinni.

Af hverju að velja ATW Togvindustjórnun

Hámarksafli - lágmarks kostnaður
Hönnun kerfisins tekur tillit til afls, hraða og rúmmáls sem hámarkar veiðigetu hvers skips.

Tvöfalt öryggi
ATW Togvindukerfið veitir þér tvöfalt öryggi með PLC tækni.   Allar sjálfvirkar aðgerðir virka áfram í kerfinu þó að bilun eigi sér stað í PC tölvubúnaði.